.真人真事 . 成班同事笑到碌地.

話說有一日, 某同事幹了一件笨事
上司取笑他, 問「你智商有問題, 點解我會請左你返黎架 」

然後同事拉了上司到公司門口玻璃前, 我地成班八掛仔跟埋出去
見到同事指住貼係公司玻璃既最佳企業獎,
上面.... 有一句係..

「聘用弱勢社群」

「你知你點解會請我返黎啦 」

大家即時笑到九彩, 連上司都笑到收唔到聲, 咁就化解左...
雖然個位同事不嬲做d野都蠢蠢地, 但係佢真係EQ好高
同埋永遠上司話佢兩句之後就有野爆肚笑唔停口

你地身邊又有冇d咁得意既同事仔呢??
=======================================

今日返黎呢個post, 見到咁多人回應, 真係好開心

老實講, 我既工作環境真係出奇地好, 成班同事同埋上司
日日講下笑, 一齊出去食飯, 放假放工一齊出去玩下
而呢位好同事, 亦唔係好似部份朋友回應中所講咁奸/扮豬食老虎
佢真係好天真同爆爛gag速度一流

再加上, 我上司係好風趣既人, 唔會介意同同事玩下講下笑
應做野既時候做野, 可以玩既時候玩下

但我見到好多朋友都太過執著於弱勢社群呢個字眼
其實應該留意既係個位同事仔既反應同攪笑能力...
一路嘈弱勢社群既解釋係乜真係幾煩下... 呢個post係俾你笑, 唔係俾你討論學術知識

我依家唯一擔心既係佢地班友仔知我係度講佢地d野姐...
不過琴晚大家一齊去睇戲食飯時都好似無事咁
下次有機會有咩好笑野我再post上黎同大家分享下啦

p.s. 有位網友問起, 呢位同事姓什名誰, 我淨係可以答唔係佢估個個名同姓, 係咁多