想不到我出軌了 (內容很長)

我今年三十歲, 已婚, 無仔女, 係一個普通文員
我老婆係我第一個女朋友, 係我咁多年來唯一性伴侶

舊年公司請左一個女仔, 我地係同一個部門
佢年紀比我細幾年, 中等樣貎, 身形嬌小, 感覺似天真率直一類
同佢一齊工作相處都算幾開心, 佢好似當我係大哥咁, 我又當佢係妹咁
佢有一個拍左大半年拖o既男朋友
有時我地傾計, 都會講到自己既愛情史
幾個月前, 佢開始暗示喜歡我
我初初扮吾明白, 咋傻扮懞咁糊混過去, 因為我吾想對我老婆吾住
佢亦好似知道我意思, 停止左暗示



後來我逐漸發現, 我都喜歡左佢
有時聽到佢同男朋友講電話, 或者知道佢地去街, 我會有心痛o既感覺
我不禁責駡自己多心, 向自己講 : 人地拍拖吾關我事

後來有一日放工, 佢問我有無地方去? 我話無, 打算返屋企
佢之後提議一齊去飲野
我立即有少少遲疑, 不過又想同事之間都應該有時要聯誼一下, 於是同意左
我以為有其他同事都去, 點知去到酒吧至知道原來只得我同佢兩個人

由於自細屋企訓練得多, 我都幾飲得, 慣性地一坐低就要左半打喜力
但我吾知道, 佢原來一向好少飲, 一支都未飲完就已經見到佢醉醉地

我叫佢吾好再飲, 等我飲埋剩低o既酒
但佢好堅持一人飲一半, 仲話乜野 : 我無咁衰女, 自己吾得就要朋友頂埋
其實我都吾知佢做乜咁堅持

佢飲到第二支o既一半, 已經開始吾掂
我於是試圖搶走佢支酒吾俾佢飲
我搶酒時, 佢突然好大聲講好多野
:
我醉係我o既事! 你做乜咁緊張我呀? 你又唔係鍾意我, 埋我咁多做乜呀?
我暗示鍾意你, 但你就成日扮傻! 你知吾知你扮傻, 我會好吾開心架? 我覺得自己令到你好難做呀!
點解你吾可以好似正常男人, 有女人埋身就要?
就算你玩完就扔, 我都覺得好過而家!



佢突然咁講, 我當堂呆一呆, 又覺得酒吧有其他人睇到, 好尷尬
正想方法收科時, 佢突然攬住左我, 錫落我個咀
我又係呆一呆, 唔識反應, 之後我就想擰開塊面避開
佢見我避開, 突然好大力咁咬落我膊頭近頸o既地方
我想推開佢, 但佢依然用力咬住
結果我被佢咬到出血

之後兩個星期, 我處處避開佢
我承認, 我吾係對佢無意思, 但亦都有少少怕佢
佢好似無事發生一樣, 如常返工

幾個星期之後, 我要加班, 所有同事都收左工, 公司得我一個人
我做到大約十點左右就打算走, 突然佢喺面前出現, 嚇左我一跳
佢問我, 點解要避開佢? 我話無, 只係來太忙

佢問我食左飯未
我講大話, 話剛才食左飯盒
點知佢立即話我講大話, 因為我枱面同垃圾桶都無空飯盒
之後佢拎左一件三文治同埋一罐汽水俾我
佢話知我一定做到無食野, 所以特登買野返公司俾我食
我大話被拆穿左, 覺得唔好意思, 而且又唔敢拒絕吾食, 於是一邊工作一邊食佢份三文治

突然佢從後面攬住我
我下意識掙扎左一下, 佢立即向我講吾駛驚, 佢吾會再咬我, 話只係想攬一下我
我又再呆左

之後o既幾個星期, 我經常要加班, 而每一次佢都收工後去而復返
終於兩個月前, 我抵受唔住誘惑, 開始同佢拍拖
不過, 我地之間一直維持無性之愛

我知道自己好差, 搞婚外情
我一直都吾敢向人講
而家自己亦都吾知點做

佢話吾會同我老婆爭
如果有朝一日, 我老婆可以接受佢, 佢肯做細, 叫我老婆做阿姐

我好混亂, 唔知到底應該點做

24.jpg

2 則留言: